السلبيات والايجابيات بالإسكان الاجتماعي بمدينة بدر

٢- موجود حضانه الياسمين مستواها جيد جدا وانا شخصيا بنتي فيها

٣- تم تشغيل التليفونات الارضي في الياسمين وجاري الانتهاء منها في النرجس

٤- تم بناء شبكه تقويه لكل شبكات المحمول من ١٥ يوم تقريبا وهتشتغل قريب جدا باذن الله

٥- تم حل مشكله المواصلات الداخليه بدرجه كبيره يعني مش هتقف نص ساعه ولا حاجه عشان تستني عربيه تخرجك للموقف بالعكس موجوده باستمرار

٦- موجود في النرجس والياسمين مولات تجاريه تشمل في كل منهم سوبر ماركت وفرن عيش وبتاع فراخ وخضري ومحل ادوات كهربائيه ومحل ادوات صحيه ومحل حدايد وبويات وقريبا افتتاح الصيدليه ان شاء الله

٧- موجود كافيه للعائلات مجهز بشكل حضاري يفتح النفس والله في النرجس

٨- موجود نادي النرجس بيخدم الاسكان الاجتماعي كله فيه ملعب كره قدم وجيم رجال وسيدات وتنس طاوله وكافتريا وشكله ما شاء الله حاجه تليق بالسكان المتحضره بالاضافه للملعب الثلاثي الموجود في الياسمين بردو

٩- تم الاتفاق مع قسم الشرطه ان في دوريه هتمر في الاسكان مرتين يوميا عشان تطمن السكان وهيتم تطبيقها خلال ايام ولو عندك اي مشكله في الامن متستناش روح اعمل بلاغ في القسم والناس متعاونه 

١٠- تم الأتفاق مع وزاره الصحه وهيتم افتتاح الوحده الصحيه بالياسمين في خلال ايام

١١- مش معني اننا بنتكلم علي مشكله الزراعه والتشجير ان المكان لونه اصفر وكانه صحراء جرداء لا في اماكن موجود فيها زرع ولاند سكيب لكن بنحاول نكمل باقي الاماكن عشان يظهر الشكل الجمالي للمكان

١٢- والاهم من كل ده … انك هتكون في وسط اهلك بجد ومش هتحس بغربه لان انت عندك جيران احسن من الاخوات والله بجد كلنا مع بعض ايد واحده في الحلوه والمره وبنسعي لان نجعل المكان اللي عايشين فيه حاجه تليق بمستقبل اولادنا ووقت ما تقول اه صدقني هتلاقي جيرانك واقفين جنبك اكتر من الاخوات لانهم هيكونوا اقرب حد ليك

تابعونا على موقع مدينة بدر اليوم

تابعونا على صفحتنا على الفيس بوك مدينة بدر اليوم